LEGAZPI CITY – Nagbisita sa provincia kan Albay si Department of the Interior and Local Government (DILG) Secretary Jonvic Remulla.
Segun ki Albay Governor Noel Rosal sa intrevista kan Bombo Radyo Legazpi na mawot magbisita kan kalihim huli sa nagdadangadang na Ber months na kalimitang pigrarapado an provincia tuyong igwang bagyo.
Mawot niya man na mahiling an Albay Public Safety and Emergency Management Office (APSEMO), mga kagamitan asin ekipahe kan provincia asin gobierno lokal.
Magsasagibo man an kalihim nin pakikipag-olay sa mga alkalde kan mga banwaan sa provincia nganing maaraman man an saindang pangangaipuhan asin kamawotan.
Naglalaom man an opisyal na ma-donar nin mga ekipahe an nasabing kalihim na makakatabang sa panahon kan kalamidad arug na sana kan mga transport vehicle.
Ibibida niya man ki Secretary Remulla an nagigin sistema kan provincia kan Albay tuyong nagkakaigwa nin hazard asin an handang pakikipagtabangan kan publiko para sa zero casualty case.
Pagdoon man ni Governor Rosal na an disaster management an bako sana an paghihingoa kan gobierno provincial kundi pati man an partisipasyon kan manlain-laing government institusyon asin kan publiko.
 Secretary Jonvic Remulla visited the province of Albay. According to Albay Governor Noel Rosal in an interview with Bombo Radyo Legazpi, the secretary wants to visit because of the upcoming Ber months that the province is being closed due to typhoons.){kind=link}