LEGAZPI CITY-Naarestar kan mga otoridad an sarong lalaki sa ciudad kan Legazpi, makalihis mahiling sa akto na nagpapabakal nin hinabonan na gamit sa sarong kalsada.
Binisto an suspek na si alyas “Ken”, 22-anyos, asin residente kan nasambitang ciudad.
Basado sa report kan polisya na nanotaran an suspek na nagpapabakal nin mga gamitsa sarong tinampo na kapareho kan mga item na nairehistrong nawawara sa sarong tindahan.
Segun sa imbestigasyon kan mga otoridad, nakuwa an lokasyon kan suspek sa paagi kan CCTV footage hale sa mismong tindahan, kung sain mahihiling an paglaog kan suspek asin panghahabon kaini.
Tulos man na nagsagibo nin operasyon an mga kapulisan asin nadakop an suspek mantang dara pa kaini an mga hinabon na produkto.
Mahahampang an suspek sa kasong pagbayolar sa PD 1612 “Anti-Fencing Law”.
Sa presente nakakulong an suspek sa Legazpi City Police Station mantang pigsasagibo pa an inisyal na imbestigasyon.
