LEGAZPI CITY-Nanindugan an defense team ni Vice President Sara Duterte na handa sindang hampangon an mga alegasyon laban sa Bise kasunod kan desisyon kan Korte Suprema na nagdedeklara sa impeachment complaint bilang unconstitutional.
Sa ruling kan hukuman, piglinaw kaini na dawa pigdeklarang nagbayolar ini sa ley asin warang bisa an artikulo kan impeachment, huli sa pagbayolar sa one-year bar rule asin pagbayolar sa dircehos para sa due process, dai suboot ninda inaabswelto an ikaduwang presidente hale sa charges laban sa saiya.
Algad segun sa kampo kan Bise, sisimbagon ninda an mga akusasyon sa tamang panahon asin sa tamang forum.
Nenot na man an sinabi kan defense team na welcome development para sa sainda an nagin desisyon kan Korte Suprema na nagpapatibay sa saindang paninindugan poon pa sana kan pigsangat an ika-4 na impeachment complaint kan 215 na miyembro kan House of Representatives kan Pebrero 6, an parehong aldaw kung sain pig-impeach an bise.
Dagdag pa kan kampo ni Vice President Sara na pinagtitibay giraray kan unanimous decision kan Korte an rule of law asin pigpapairal an konstitusyon laban sa pangaabuso sa proseso kan impeachment.
