LEGAZPI CITY-Posibleng magin ganap na bagyo an 2 Low Pressure Area (LPA) sa laog kan Philippine Area of Responsibility (PAR) sa masunod na 24 oras, segun sa state weather bureau.
Huli man sa Southwest Monsoon o ‘Hanging Habagat’ magdadara nin mapanganuron na kalangitan asin pag-uuran sa dakulang parte kan nacion.
Kairiba digdi an Metro Manila, CALABARZON, Zambales, Bataan, Pampanga, Bulacan, asin Occidental Mindoro na makakadanas nin makukusog na paguran na pwedesir magresulta sa pagbaha asin pagrasay nin mga daga.
Mientrastanto, makakadanas man nin isolated rains an Benguet, Tarlac, Marinduque, asin Oriental Mindoro.
An Cagayan Valley asin Visayas, kadaklan na parte kan Luzon, asin natatadang lugar sa Mindanao, makakadanas man nin kalat kalat na pag-uran, pagkidlat, asin pagdaguldol.
Nagpagirumdom man an weather sa publiko na mag-ingat sa posibleng pagbaha asin pagrasay kan mg adaga, orog na sa panahon kan kalamidad.
