LEGAZPI CITY-Kumpirmadong nagadan an duwang lalaki mantang nakaligtas man an saro makalihis matabunan kan pagrasay nin daga an sarong kaunan sa Shilan, La Trinidad, Benguet ngonian na aldaw nin Huwebes, Agosto 6.
Segun sa Benguet Police Provincial Office (PPO), natukoy an mga biktima na mga kusinero, na nagtratrabaho sa may kitchen kan bulaluhan kan tumama an landslide bandang alas-otso nin pagkaaga kasunod kan apat na aldaw kan padagos na pag-uuran.
Basado man kay Benguet PPO provincial director PCol. Dionisio Bonoy, dead on the spot an duwa mantang nadukayang buhay an saro sa mga natabunan.
Sa presente, pigbubulong na sa ospital an sarong nakaligtas sa insidente.
Mientras tanto, ipig-sugo na kan pulisiya sa mga residente sa lugar na mag-ebakwar na bilang pag-iingat sa tahaw kan huma kan posibleng panibagong landslide huli sa padagos na pag-uuran na epekto kan bagyong Maymay asin habagat.
