Sinabi ni Vice President Sara Duterte na nakipagsabwatan suboot an administrasyon ni Presidente Ferdinand Marcos Jr. sa International Criminal Court (ICC) nganing ipaarestar an saiyang ama na si dating Presidente Rodrigo Duterte, katakod sa kasong crimes against humanity na may kinaaraman sa saiyang ‘war on drugs’.
Sa saiyang speech sa Free Duterte Now rally sa The Hague, ipigdoon ni VP Duterte na may political motives sa likod kan pagkakaarestar sa saiyang ama kan Marso 11 sa Pilipinas. Segun saiya an ICC asin an presenteng administrasyon an nagkuntsaba nganing tangkason sa eksena an dating presidente na saro sa pinaka-vocal na kritiko ni PBBM.
Segun pa saiya warang bastanteng basehan an pagkakakarsel kan ama sa Scheveningen Prison sa The Hague asin an mga akusasyon suboot kan extrajudicial killings (EJK) an basado sana sa mga tsismis.
Nanindugan man siya na an ICC an nakikiaram sa pagmamanehar kan Pilipinas asin may sadiring “agenda” nganing mamantenir an suporta asin pondo gikan sa ibang nacion.
Mientrastanto, nagsayuma an ICC spokesperson na si Fadi El Abdallah na magtaong komento sa mga pahayag ni VP Duterte, asin ipigdoon na an ICC an sarong judicial institution asin an anumang isyu an dapat irani sa mga hukom kan korte.
Inakusaran man ni VP Sara si Presidente Marcos na nagkukunwaring maboot sa publiko.
Dugang pa niya na wara suboot siyang nahihiling na matrayumpong proyekto kan presenteng administrasyon.
Padagos an pangapudan kan bise presidente para sa tulos na pagpapalibre asin pagbabalik sa nacion kan saiyang ama, sabay pagdoon an karapatan nin mga Pilipino na magdesisyon para sa saindang komunidad.
 to have her father, former President Rodrigo Duterte, arrested in connection with crimes against humanity cases related to his 'war on drugs'.){kind=link}