Nadukayan an sarong lalaki sa China makalihis na magbaklay sa kabuludan nin anom na aldaw na warang pagkaon, tubig, o cellphone.
Ginibo niya ini huli sa desesperadong pagporbar na malingawan an pakikipagsuwayan kan saiyang nobya.
An lalaki, na nabisto bilang Xiaolin, naghale sa saiyang apartment sa Hangzhou kan Hunyo 20.
Nagpoon an imbestigasyon kan ireport siya kan saiyang tugang na nawawara sa pulis.
Durante kan inspeksyon na ginibo kan mga awtoridad sa saiyang residensya, nadiskubre na wara duman si Xiaolin, alagad nawalat an saiyang mga importanteng bagay, kaiba an saiyang cellphone.
Tulos na naglansar an pulis kan Yuhang nin sarong mahiwas na operasyon sa paghanap, sa tabang kan labing 100 na mga opisyales kan pulis asin mga residente, kabali an mga search dog, mga drone, asin mga sonar devices.
Tinunton ninda an Dalang Mountain, kun saen si Xiaolin huring ibinareta na nahiling.
Nakuwa siya kan Hunyo 26 makalihis na mahiling kan surveillance camera sa sarong parke sa ibang distrito.
Susog sa report kan pulis, si Xiaolin naglakaw nin haros 40 kilometros.
Nganing mabuhay, nag-iinom siya nin tubig hale sa mga sapa asin nagkakaon nin wild fruits na makukuwa harani sa mga harong sa pamitisan kan bulod.
Pigtuga ni Xiaolin na ginibo niya ini nganing malingawan an kulog kan pagsusuwayan ninda kan saiyang nobya.
Sa presente an maray na an saiyang salud.
