Ikinaogma ni Senator Vicente “Tito” Sotto III an nagin pahayag ni Senator Risa Hontiveros na bukas ini na mag-intra sa pigkonsiderar na ‘veterans bloc’ kan Senado.
Sinabi kan dating Senate President na mas dakol na mga miyembro an mas magayon.
Bilib an si Sotto sa reputasyon kan senadora kaya saiya ining tatanggapon kun magdesisyon na mag-iba sa saindang grupo.
An veterans block an pigbibilog ninda Senator Juan Miguel Zubiri, Loren Legarda, Panfilo Lacson asin Lito Lapid.
An nasabing grupo an siyang mabusol na matukaw si Sotto bilang Senate President.
Segun man ki Hontiveros na maaaraman sana an saiyang desisyon pag-abot kan Hulyo 28—an pagbubukas kan 20th Congress.
