LEGAZPI CITY-Naarestar na a no. 2 sa listahan kan most wanted person sa ciudad kan Ligao.
Segun kay Ligao City Police Lieutenant Colonel Herminio Olivares, sa intrevista kan Bombo Radyo Legazpi, naarestar an suspek sa Barangay Catburawan sa Ligao City sa sarong coastal area pasado alas 3:45 nin hapon.
An suspek sarong construction worker, 37-anyos, asin residente kan Barangay Catburawan sa nasambitang ciudad.
Warang piyansa an kaso kan suspek asin pigpoproseso na commitment order hale sa judge ngani malitis na ini sa korte.
Naarestar an suspek huli sa pakikipagkoordinar kan mismong kumunidad asin kan mga opiyasles kan Ligao City Police Station.
Mensahe man kan polisya sa mga namamanwaan na magdulok sa ahensiya para sa ikakarahay kan banwaan asin kung igwang mga impormasyon mapadapit sa mga wante na katawo o sa mga dai bisto na nagaaligid sa mga kumunidad, ipaabot sana sa ahensiya ngani maarestar asin mapanagot an mga ini sa saindang ginibong mga kasalan.
Nagpapasalamat man an opisyal sa suporta kan mga residente sa mga programa kan polisya asin piglalaoman na padagos sindang maserbisyo para sa gabos na mga namamanwaan.
