Nabadil asin nagadan an sarong 42-anyos na lalaki kan saiyang kaiba sa paggamit nin ilegal na droga sa Sitio Lupa 1, Barangay Pajac, Lapu-Lapu City, Cebu.
Binisto an biktima na si Labrada, 42 anyos, asin residente kan Sitio Abuno, Barangay Pajac, Lapu-Lapu.
An suspek man an binistong si Aloy, na suboot kaibahan man kaini sa paggamit nin ilegal na droga.
Napag-araman na kaiba kan biktima sa paggamit nin droga an suspek asin duwa pang indibidwal na binistong sina Junriel Yburan, an may-kagsadiri kan harong.
Napag-araman na nagpasuway an biktima asin an suspek kun siisay an maeenot sa paggamit nin ilegal na droga.
Nag-ali an suspek asin kan buminalik an may dara na ining badil na tulos niyang ginamit sa pambabadil.
Segun kay Police Lt. Col. Christian Torres, tagapagtaram kan Lapu-Lapu City Police Office, kan rumesponde an mga awtoridad, wara na sa eksaktong pinangyarihan an bangkay kan biktima huli ta iniluwas ini kan may kagsadiri kan harong.
Nilinig man an dugo sa laog kan harong kun saen nangyari an pambabadil.
Huli digdi, inaresto sina Yburan huli sa pagbayolar sa “Obstruction of Justice” makalihis pakiaraman an crime scene.
