Isinumiter kan International Criminal Court (ICC) Office of the Prosecutor an Document Containing Charges (DCC) o dokumentong kompwesto kan mga kaso laban ki dating Presidente Rodrigo Duterte.
Susog sa abogado kan mga biktima kan suboot extrajudicial killings (EJK) na si Atty. Gilbert Andres, nakatalaang iluwas an nasabing dokumento sa website kan ICC.
Alagad ipinaliwanag kan abogado na an mga sensitibong detalye siring kan mga pangaran an kaipuhang i-redact o dae ibale bago ini iluwas sa publiko para na man sa saindang proteksiyon.
Dugang pa ni Atty. Andres na an public version kan nasabing dokumento an igwang security risk sa nakabugtak na mga pangaran en kaso igwa man.
Ipigdoon man ni Atty. Andres na mantang dakol na pigkakahampang na kaso an dating Presidente naka-specify sa dokumento an mga kaso.
Pwedesir na kaiba sa mga akusasyon an gender-based violence, imprisonment o arbitrary grounds asin torture asin iba pang bako makatawong gibong may kinaaraman sa war on drugs kan Duterte administration.
An nasabing dokumento man an maserbing giya kun ano an iprepresentang ebidensiya kan prosekusyon sa kumpimasyon kan mga kaso laban sa dating Presidente sa Setyembre 23 kan presenteng taon.
