LEGAZPI CITY-Pigbabantayan kan mga otoridad an sitwasyon sa Marikina River katakod kan mahiwas asin biglaang pag-uran sa dakulang parte kan National Capital Region.
Tulos man na naghalangkaw an tubig sa 12 meters sa nasambitang lugar.
Liwat nasa normal level pa man sana ini, igwang posibilidad na lalo pang mahalangkaw an tubig sa nasambitang huli sa padagos na sa paguuran.
Sa marikina river, igwang three-stage alarm level system na pigsusunod ngani makaskas na makaebakwar an mga tawo.
Kung magabot na sa lebel na 15 meters nasa (Alarm Level 1) ini asin pinaghahanda na an mga residente na magebakwar.
Kung umabot ini sa 16 meters, nasa (Alarm Level 2), kung sain pigpoonan na magebakwar kan mga indibidwal orog na sa mga nakatenir harani sa salog. asin kung umabot na an tubig sa 18 meters nasa (Alarm Level 3), isasagibo na an forced evacuation.
Kung maghalangkaw an tubig sa Marikina River, maapektaran an dakulang parte kan ciudad kairiba na an ribo-ribong residente sa Pasig City asin Kamanava area siring kan Malabon, Navotas, asin Valenzuela.
