Nilinaw ngonian ni Vice President Sara Duterte na dae sinda nag-apply para sa interim release kan ama kaining si dating Presidente Rodrigo Duterte sa Australia.
Kasunod ini sa nagin pagtanggi kan gobyerno kan Australia na tanggapon an temporary release kan dating presidente asin dae man ninda pigkokonsidera na maging host para sa dating presidente.
Sinabi kan ikaduwang presidente na an saindang defense team an nuarin man dae sinda nakipag-koordinar sa gobyerno kan Australia.
Dugang pa kaini na dae man kaiba an Australia sa duwang nacion na pinangaranan kan defense team para sa urgent request kan interim release bago an International Criminal Court.
Nakatanggap suboot ini nin surat hale sa gobyerno kan Australia na saindang dae tatanggapon an saiyang ama.
Magigirumdumang nagpasiring an bise presidente sa Australia kan nakalihis na mga aldaw nganing ka-olayon an mga Filipino community duman.
Mawot suboot kaini na maka-olay si Australian Foreign Minister Penny Wong kang Hunyo 23 alagad hulil sa kakulangan nin oras an dae na ini natuloy.
