LEGAZPI CITY-Nangapudan an mga driver nin jeepney asin ride-hailing app sa gobierno na aprubaran an saindang hinahagad na paghalangkaw kan pamasahe bilang kasimbagan sa padagos na paghalangkaw kan presyo kan mga produktong petrolyo.
Segun kay Boy Vargas, presidente kan Alliance of Transport Operators and Drivers Association of the Philippines (ALTODAP), haloy nang pighahalat kan mga jeepney drivers na masimbagan kan gobierno an saindang petisyon para sa provisional fare increase na isinangat 3 taon na an nakaagi.
Naglalaom sinda na mareSibe an P1 na dagdag sa pamasahe asin nahahandal sinda na dae ini maaprobaran.
Sinugundahan naman ini kan Transport Network Vehicle Services (TNVS), na nagsabi na sinda naghahagad kan paghalangkaw kan pamasahe poon pa kan 2023, alagad sagkod ngonian dai pa ini naaprobaran.
Temporaryo sana suboot na solusyon an fuel subsidy sa padagos na paghalangkaw kan presyo kan gasolina.
Magigirumduman na nag-alokar nin P2.5 bilyon an gobierno para sa subsidiya sa gasolina sa irarom kan 2025 national budget ngani matabangan an mga public utility drivers, paraoma, asin mga parasira.
Alagad, segun ki Presidente Ferdinand Marcos Jr., dae pa kaipuhan an fuel subsidy huli ta buminagsak an presyo kan petrolyo kasunod kan ceasefire sa pagultanan kan Israel asin Iran.
