LEGAZPI CITY-Binawasan kan mg abangko sa Pilipinas an exposure kan volatile property sector sa pinakahababa sa laog nin 6 na taon, liwat sa mga real estate na loan kan first quarter.
An pinakahuring datos hale sa Bangko Sentral ng Pilipinas (BSP) nagpahiling na an mga pautang sa real estate kan mga lokal na bangko asin kan saindang mga trust units, uminabot sa P3 Trilyon kan katapusan kan Marso, na minaabot sa 19.41 porsyento kan total lending portfolio.
An ratio mas hababa sa 19.75 porsyento na naitala sa katapusan kan nakaaging quarter, kan na-extend an credit na itinao sa property sector na uminabot sa P2.95 trilyon.
Ini an pinakasadit na exposure kan mga bangko asin mga trust entities sa sektor nin real estate poon kan enot na kwarter kan 2019.
An mga pautang na itinao sa mga parautang na mawot na magkua nin mga residensyal asin komersyal na espasyo, nag-aako nin 19.20 porsyento kan portfolio nin pagpapautang kan mga bangko.
Nagpahiling an datos na an mga pautang sa harong naghalangkaw nin 3 porsyento sa kada kwarter sagkod sa P1.13 trilyon.
Mientrastanto, an mga pautang sa komersyo nagbaba nin haros 1 porsyento pasiring sa P1.83 trilyon. Sa presente, an mahiwas na pagbaba kan pautang kan bangko sa propriety sector kasabay kan paghalangkaw kan mga pautang.
Pagirumdom ni BSP Governor Eli Remolona Jr., na an bangko sentral pwedisir na magputol nin sarong bes pa, na pwedisir man mangyari sa arin man sa huring 3 pagtiripon kan Monetary Board (MB) ngonian na taon. An lupon magtitiripon giraray sa Agosto, Oktubre asin Disyembre ngani magdesisyon sa monetary policy stance.
