LEGAZPI CITY-Pig-urgolyo ni United States Secretary of Defense na si Pete Hegseth nag-orgulyo mapadapit sa pakikiaram kan mga bombers kan Estados Unidos sa Iran.
Kasunod ini kan mapangganang pambobomba sa 3 nuclear sites kan Iran kan nakaasing aldaw na inapod na “Operation Midnight Hammer”.
Base sa sarong mapa na ipinaabot kan Pentagon sa ruta kan paglupad kan mga B-2 stealth bombers na ginamit kan Estados Unidos sa pagbomba sa mga nuclear sites kan Iran, sinda nagduman sa Iran sa paagi kan Mediterranean, Israel, Jordan asin Iraq.
Bakong malinaw kun an 3 nacion naimpormaran manungod sa mga pagbiahe kan mga parabomba kan Estados Unidos.
Susog sa hepe kan Pentagon, an operasyon imbuelto an metikuloso asin abanteng pagplano, salang direksyon asin an implementasyon kan pinakahalangkaw na seguridad sa operasyon asin an dai aram na paglaog asin pagluwas kan saindang mga parabomba sa Iran.
Nagmarka suboot ini kan pinakaenot na paggamit sa sarong operasyon kan higanteng 30,000 pound bunker busting bombs na sarong US aircraft asin kayang makadara kan Massive Ordnance Penetrator.
