LEGAZPI CITY – Nagdulok na sa Overseas Workers Welfare Administration (OWWA) Bicol an pamilya kan duwang Bicolano Overseas Filipino Worker (OFW) para sa posibleng repatriation kan mga ini.
Segun ki OWWA Bicol Officer in Charge Regional Director Jenivie Aguallo sa intrevista kan Bombo Radyo Legazpi na an mga nasabing bicolano an gikan sa provincia kan Albay asin Sorsogon na pigkakahandalan kan mga saindang kapamilya na madamay sa mga serye nin pagpapa-uran nin pampasabog kan Iran.
Pigsabi pa niya na kaipuhan magfill-out kan pamilya kan mga OFW nin sarong assistance form kun sain kakaipuhanon an detalye asin sitwasyon kan saindang kapamilya na nasa Israel.
Maski suboot documented o bako an sarong pilipino sa Israel, an pwedesir an mga ini magdulok sa mga ofisina arug kan OWWA, Department of Migrant Workers (DMW) asin Department of Foreign Affairs (DFA) nganing maiuli sinda sa Pilipinas nin matuninong asin salbado.
Dugang pa kan opisyal na wara na man poproblemahon an mga ini mapadapit sa saindang mapagkukuwaan nin ganansya pag-uli sa Pilipinas huli ta may itatao man sindang mga tabang asistensya arug na sana kan cash asin livelihood assistance.
Paglilinaw niya man na bako pa man mandatory an ipigpapa-otob na repatriation kun kaya nakadepende na suboot sa mismong OFW an saiyang desisyon kun aaprobitsaran kaini an repatriation assistance.
Sa presente, warang patod man an saindang komunikasyon sa mga pinoy sa Israel asin mga pamilya kaini sa pilipinas nganing matawan an mga ini nin tabang enkaso maglala pa an tesion sa middle east.
Pangapodan ni Aguallo sa mga kapamilya kan mga OFW sa Israel na magdulok sainda enkasong mawot na kan saindang kamag-anak na magpa-repatriate nganing tulos ining maisairarom sa voluntary repatriation program kan Philippine Embassy.
 have approached the Overseas Workers Welfare Administration (OWWA) Bicol for their possible repatriation.){kind=link}