Aminado an Malacañang na kadakol na Pilipino an nalulong sa online gambling na “scatter” alagad pigtuga kaini na mapagal sugpuon an nasabing sugal huli ta gareng kabuteng nagsusulputan maski pa bantay-sarado kan Department of Information and Communications Technology (DICT).
Siring man, inasigurar ni Presidential Communications Office (PCO) Undersecretary asin Palace Press Officer Claire Castro na kadakol na mang illegal gambling website an naipasara kan gobyerno na uminabot na sa haros 7,000 alagad nagpapalit sana an mga ini nin website.
Dae suboot nagpupundo an DICT asin Philippine Amusement and Gaming Corporation (Pagcor) sa pagtanggal sa mga gambling website asin dae pigkakaturugan kan gobyerno an problema.
Inabisuhan man ni Castro an mga personalidad na nag-eendorso kan mga siring kaining klase nin sugal na dae pag-patulan urog na kun an mga iini an bako lisensiyado nganing dae malulong an kadakol na Pilipino.
Dae suboot pwedesir ikumpara sa Philippine Offshore Gaming Operators (POGO) an mga nagpapadalagan kan scatter huli ta hale an mga ini sa illegal websites kun kaya an magigibo sana iyo an tanggalon an mga ini asin ipasara sa paagi kan DICT.
Sinabi ni Castro na dae masawa an DICT na i-take down an mga illegal websites kan scatter nganing mapugulang malulong sa bisyo an kadakol na Pilipino.
.){kind=link}