LEGAZPI CITY-Padagos an pigsasagibong clearing operation kan Task Force Kalinigan at Kaayusan sa ciudad kan Legazpi partikularmente na sa mga nakakaulang sa tinampo.
Segun kay Task Force Kaayusan at Kalinisan Head Andy Marbella, sa intrevista kan Bombo Radyo Legazpi, magayon na nagsusunod an mga nagkapirang mga residente ngani maipadagos ninda an saindang operasyon liwat pa sa pagdakol kan mga estuyante ngunian na pagbalik kan eswkwela.
Nagsagibo nin mahiwas na clearing operation sa ciudad kan Legazpi, kairiba na an Rizal Street sa Albay, na igwa suboot na mga nasisitang mga paratienda sa gilid kan tinampo.
Dugang pa ni Marbella na urualdaw sinda nagsasagibo nin operasyon sa kalsada nin hulli sa igwa man nin mga nagpa-papark sa mga ipinagbabawal na lugar, na nagkakawsa nin trapiko sa ciudad.
Igwa man suboot nin mga na-aprehend na mga illegal parking asin road obstructions, na paliwanag kan opisyal na cover lang kan saindang operasyon an ciudad kan Legazpi.
Nagpapasalamat man an opisyal sa nagin resulta kan saindang operasyon, huli sa nakikipagkooperar an mga residente kan barangay, asin nagtatabang ngani makaresibe sinda nin mga claims mapadapit sa mga nakakaulang sa saindang tinampo.
Mientrastanto, nagin marhay man an pagbabantay kan mga personnel kan grupo huli sa oplan-balik eskwela.
Nagpagirumdom man si Marbella sa mga paratienda na nasa gilid kan tinampo, na dai ninda katuyuhan na ulangan an saindang mga hanap-buhay alagad pigsasagibo sana ninda an sindang mga obligasyon bilang mga opisyal kan ciudad. Dugang pa niya na dapat magsunod an mga ini sa tamang oras na ipinapaotob kan saindang grupo.
