LEGAZPI CITY- Pormal nang binuksan sa banwaan kan Camalig an Best of Camalig OTOP ( one town, one product) Trade Fair na parte kan mga aktibidad sa Pinangat Festival sa banwaan.
Sa intrevista kan Bombo Radyo Legazpi kay Noel Bunao, an Provincial Director kan Department of trade and industry Albay, maabot man sa 10 na MSME’s o Micro Small and Medium Enterprises an nakisumaro sa aktibidad na pawang mga residente kan banwaan nin Camalig.
Kasabay man sa trade fair an mga produktong gibo kan mga PDL’s o Persons Deprived of Liberty na presenting mababakal sa naunambitang aktibidad.
Obheto man kan programa na maging dalan ini para maging learning platform sa mga na maipabisto an saindang mga produkto bako lang sa lokal kundi maging man sa mga nasyunal asin internasyunal.
Labi man an pasasalamat kan DTI Albay sa bawaan kan Camalig sa pagoorganisa kan aktibidad huli sa dakulang tabang ini sa mga saradit na nagnenegosyo.
Saro man sa nagpapapaabot nin pasasalamat ay an BJMP huli sa pagtugot na makasabay sa trade fair an mga prudukto na gibo kan mga PDL’s, suboot dakulang tabang ini sa mga PDL’s huli na sa ibong kan pagkakakarsel ay nagkakaigwa an mga ini nin ganansya na maitatao sa saindang mga pamilya.
Mientras tanto padagos man na pig-iinganyar kan opisyal aan publiko na magbisita sa trade fair para magbakal nin mga produkto na pinag-oopresir sa banwaan.
