Plano kan Department of Agriculture na ibaba pa an Maximum Suggested Retail Price kan imported rice sa Hulyo.
Sa pahayag na sinabi kan ahensya na plano kaining ibaba an maximum suggested retail price kan bagas sa P43 kada kilo puon Hulyo 1 gikan sa presenteng P45 na ipigtalaan kan Marso 31.
Enot na ipinaotob kan Department of Agriculture an Maximum Suggested Retail Price nganing mag-uyon sa desisyon ni Presidente Bongbong Marcos na bawasan an rice tariff gikan 35 porsiyento sagkod 15 porsiyento puon Hulyo.
An lakdang na ini an kasabay kan pagbaba kan presyo kan bagas sa kinaban kasunod kan pagtanggal kan India sa export ban kaini sa non-basmati rice asin pagluya kan demand pagkatapos kan El Niño kan nakaaging taon.
