Nadugangan pang duwang bronze medal an Olympic gold medalist na si Carlos Yulo sa saiyang koleksiyon sa 2025 Asian Gymnastics Championships sa South Korea.
Nagpantulo si Yulo sa vault finals sa iskor na 14.333, sa likod ninda Olfati Mahdi (14.500) kan Iran asin Huang Mingqi (14.400) kan China.
Nakua man ni Yulo an bronze sa parallel bars, sa iskor na 14.166.
Nadaog ini ninda Oka Shinnosuke (14.700) asin Tsunogai Tomoharu (14.466) kan Japan.
Apat na medalya na an nakolekta ngunyan ni Yulo, na enot na man nakaguno nin bronze sa individual all-around asin gold sa men’s floor exercise.
Mientrastanto, an bunsong tugang kaini na si Karl Eldrew Yulo an nakua an silver medal sa vault finals.
