Ipigbubusol ngonian kan Philippine National Police (PNP) sa pangengenot ni PNP Chief PGen. Nicolas Torre III an paggamit nin mas dakol na body-worn cameras, drones, mga mobile closed-circuit television (CCTVs) para mas maparikas an response time kan mga pulis sa mga emergencies kan publiko.
Sa sarong panayam, kinumpirmar ni Police Regional Office III Director asin PNP Spokesperson PBGen. Jean Fajardo na sa presente an ugwa an PNP nin dae mababa sa 2,700 na mga body-worn cameras kun saen 648 hale digdi an kayang makapag-live broadcast mantang an natada man an piggagamit nganing makapagrecord.
Kapag naging fully-operational na suboot an 911, mawot mismo kan hepe na gabos na mga nagpapatrolyang mga pulis an may mga sulot na body cams.
Ini an makalihis na ipigsugo ni Torre sa saindang kaenot-enoteng Command Conference na dapat an maging mas moderno an magiging pagresponde kan mga pulis sa pangangaipuhan kan mga namamanwaang Pilipino urog na kun para ini sa pagmamantenir kan kaayusan asin katuninongan sa mga komunidad.
Mientrastanto, kasunod kaini an pigpapalano na man kan PNP na gumamit nin mga drones urog na kapag may mga darakulang pagtitipon kun saen sa presente man an igwang 965 na mga drones an pighahanda kan organisasyon.
Kabale man sa bagong modernized approach kan PNP an paggamit nin mga CCTV cameras para sa 360° na pagsubaybay sa mga lugar na pigdadayo kan publiko asin magin sa mga pangenot na kakalsadahan sa enterong nacion.
 led by PNP Chief PGen. Nicolas Torre III the use of more body-worn cameras, drones, mobile closed-circuit televisions (CCTVs) to speed up police response time to public emergencies){kind=link}