Warang papel si Presidente Ferdinand Marcos Jr., sa impeachment case laban kay Vice President Sara Duterte, segun kay Senate Minority Leader Koko Pimentel.
Ini an huli ta warang pinagkaiba an presidente kay VP Sara kun saen ini an pwedesir mapatalsik sa pwesto susog man sa satuyang Konstitusyon.
Segun kay Pimentel, bako na importante an posisyon pa ni Presidente Marcos sa pigpapalibot na draft Senate Resolution nganing ibasura an paglilitis laban sa bise presidente kan nacion.
Nanindugan man si Pimentel na dakulang sala an pagpapabasura sa impeachment case laban kay Duterte.
Basado suboot sa Saligang Batas pigsusugo an Senado na dapat forthwith o tulos isagibo an paglilitis sa sarong impeacheable official.
Wara suboot na kawara an Senado kundi magsagibo nin impeachment trial laban kay VP Sara.
Kaya man nagtutubod si Pimentel na pwedesir magbalyo hale sa 19th Congress pasiring 20th Congress an impeachment proceedings laban sa ikaduwang presidente.
