Pormal nang nag-asumir sa pwesto si Police Major General Nicolas Torre III bilang bagong pamayo kan Philippine National Police.
Ini an kasunod kan change of command ceremony na ginibo sa Camp Crame, Quezon City.
Si Torre an maribay ki Police General Rommel Marbil.
Marurumduman na enot na nabisto si Torre bilang pamayo kan Criminal Investigation and Detection Group na nangenot sa pag-arestar ki dating Presidente Rodrigo Duterte asin pag-turn over kaini sa International Criminal Court.
Kan siya man an pamayo kan Police Regional Office 11, si General Torre man an nangenot sa pagdakop ki Kingdom of Jesus Christ founder Apollo Quiboloy sa Davao City.
Mientras tanto, saro sa mga pangenot na direktiba ni Presidente Ferdinand Marcos Jr. iyo an pagpapakusog pa kan presensya kan mga kapulisan sa mga komunidad.
