LEGAZPI CITY- Nilinaw kan mga otoridad na solamenteng an prangkisa sana kan Bobis liner na bus na naimbwelto sa aksidente sa Polangui, Albay an pinatawan nin preventive suspension.
Segun ki Land Transportation Franchising and Regulatory Board Bicol Director Joel Defeo na an Bobis liner an dakol na mga prangkisa asin iyo sana an nasuspinder.
Katakod kaini, nilinaw kan opisyal sa mga pasahero na legal man liwat an pagbiyahe kan iba pang mga bus kan Bobis liner.
Marurumduman na susog sa polisiya kan ahensya na kun magkaigwa nin fatal accident an sarong public utility vehicle, pigsususpinder an prangkisa asin gabos na mga unit sa laog kan nasabing prangkisa.
Mientras tanto, sinabi kan opisyal na nagpaluwas man nin show cause order ngani na matawan nin tsansa an lado kan nasabing bus na makapagpaliwanag sa nangyari.
Napag-araman na nagluwas man sa inisyal na imbestigasyon na wara man na kasalan an nasabing bus sa aksidente kaya may posibilidad na mabawi an suspensyon.
