Duwang indibidwal ang binawian nin buhay mantang irido man an dakol na iba pa sa nangyaring pambabadil sa Sitio Ipil-Ipil, Barangay Mambulac, Silay City, Negros Occidental kasubagong aga.
Napag-araman na an mga biktima an volunteers kan Team Ugyon na nakatindog sa luwas kan harong na pigkokunsiderar na headquarters kan Team Asenso kan mag-agi an sarong van asin ginibo an pambabadil.
Lima sa mga nairido an tulos man na idinalagan sa ospital.
Segun ki Negros Occidental Police Provincial Office Director Police Col. Rainiero de Chavez na sarong punong barangay an pigtutukdong suspek sa insidente na ngunyan an at large.
Kinondena man kan mga otoridad an insidente asin padagos na pig-iimbestigaran sa ngunyan.
