LEGAZPI CITY- Nagpagirumdom an Commission on Elections Bicol sa mga kandidato na hasta Mayo 10, 2025 na sana an pangangampanya.
Segun ki Commission on Elections Bicol Director Atty. Jane Valeza sa intrevista kan Bombo Radyo Legazpi na kinakaipuhan na magsunod kan gabos na mga kandidato sa nasabing polisiya.
Katakod kaini, pinayuhan man an mga kandidato asin mga suportadores kaini na i-take down o halion na an gabos na mga posters asin campaign materials na nakalaag sa mga common poster areas asin magin sa mga pribadong establishimento.
Paliwanag kan opisyal na tatawan nin panahaon an mga kandidato sa pagbabaklas kan nasabing mga campaign paraphernalia.
Mientras tanto, nakapagpaluwas na man an ahensya nin nasa 45 na show cause order kun sain mayorya sa mga bayolasyon an huli sa vote buying, partisin political activity asin iba pa.
