Liwat na binuksan kan ng Department of Transportation an aplikasyon para sa consolidation kan gabos na mga public utility vehicles sa nacion.
Ini an sa irarom kan Public Transport Modernization Program kan gobierno na obhetong mapagayon an transport system sa Pilipinas.
Susog sa ahensya, nakapalaog sa Department Order No. 2025-009 na pinirmahan ni Transportation Secretary Vince Dizon an nagkapirang panuntunan para sa mga individual operators asin drivers na dae pa nagpapartisipar sa consolidation program.
Sakop kan kasuguang ini an mga public utility jeepney magin an mga UV Express operators na nagpalyar magpa-consolidate.
Afuera digdi, sakop man kaini an may mga presenteng aplikasyon o motion to accept consolidation asin may mga unit na kinumpirmar kan Land Transportation Franchising and Regulatory Board asin nakarehistro sa LTO para sa taong 2023 o 2024.
Obheto kan programa na pinuonan kan 2017 asin palitan kan mga Euro 4-compliant engine an mga pampasadang jeep nganing mabawasan an polusyon.
Masiesierto man na salbado na gamiton an mga behikulo sa tinampo nganing maibitaran an ano man na klase nin aksidente.
