LEGAZPI CITY – Ipigpapasalamat kan Juban Municipal Disaster Risk Reduction and Management Office na duwang barangay sana sa saindang banwaan an naapektaran kan abo asin asupre na ibinagsak kan Bulkang Bulusan makalihis an pinakabagong steam-driven o phreatic eruption activity kaini.
Segun ki Juban Municipal Disaster Risk Reduction and Management Office head Arvee Logronio sa intrevista kan Bombo Radyo Legazpi na susog sa saindang assessment, pwedesir na nagbago an direksyon kan paros kan magputok an nasabing bulkan.
Dae na man sinda nagkaigwa nin evacuation asin sa katunayan suboot natapos na an decampment sa mga naenot na evacues.
Tulos man sindang nagsagibo nin clearing operation sa mga naapektarang barangay sa Juban asin natapos duwa o tulong oras makalihis an pagputok kan bulkan.
Pigtaram pa kan opisyal na dakula man an naging tabang kan Bureau of Fire Protection kan manlain-laing banwaan kan provincia nganing maparikas an paglinig sa mga naapektaran na barangay.
Kompara kan nakaaging semana, mas handa suboot sinda ngonian huli ta nakabandera na an alert status kan saindang emergency operation center.
Pagdoon pa ni Logronio na nagdugang na man sinda nin naka duty na mga personel nganing maparikas an pagresponde sa oras na magkaigwa nin panibagong aktibidad an bulusan volcano.
