Nagpaluwas na an Department of Labor and Employment (DOLE) nin guidelines para sa tamang pasweldo sa mga obrero sa pribadong sektor sa Labor day, Mayo 1 na idineklara bilang regular holiday.
Sa inisyung Labor Advisory No.5 Series of 2025, tinawan-dpon kan DOLE na kwalipikaodng makaresibi nin double pay an mga empleyadong matrabaho sa regular holiday para sa enot na walong oras.
Para man sa overtime o lagpas sa walong oras na trabaho, dapat makaresibi an mga empleyado nin kadugangang 30% kan saindang orasan na sweldo.
An mga dae man malaog sa Mayo 1 an kwalipikado man giraray na makaresibi nin 100% kan saindang aldawang sweldo, basta naglaog o naka-leave with pay sa aldaw bago an holiday.
Nilinaw man kan DOLE na kun an aldaw bago an Mayo 1 an nagkataong rest day o non-working day, dapat na makaresibi man giraray an mga empelyado nin holiday pay basta sinda an naglaog o naka-paid leave sa huring working day bago ang holiday.
Pinagiromdoman man kan DOLE na an mga empleyado na nagkataong rest day sa Mayo 1 asin naglaog man giraray sa trabaho an kwalipikadong makaresibi nin kadugangang 30% kan saindang basic wage para sa enot na walong oras asin kadugangang 30% kan saindang orasan na sweldo para sa overtime work.
 has issued guidelines for fair wages for private sector workers on Labor Day, May 1, which was declared a regular holiday.){kind=link}