Idineklara ni Presidente Ferdinand Marcos an nagkapirang aldaw nin pagmumundo huli sa pagkagadan ni Pope Francis.
Susog sa Presidential Communications Office (PCO) na mapuon an nasabing days of mourning puon Abril 23 sagkod 26 o an aldaw kan paglubong kan Santo Papa.
Sa nasambitang aldaw, an ibubugtak sa half-mast an bandera kan nacion sa gabos na edipisyo kan gobyerno asin government installation sa nacion asin sa ibang nacion.
Enot nang kinumpirmar ni Palace Press Officer Undersecretary Atty. Claire Castro na maatendir an presidente kairiba si First Lady Liza Marcos sa lubong kan Santo Papa.
