Sinunadan nin kaso kan National Bureau of Investigation (NBI) an apat na vlogger huli sa pagmamanipula nin mga video interviews kan nagkapirang opisyal kan gobierno.
Sinabi Senior Agent Raymond Macorol, kan NBI Crime Intelligence Division, an kasong pagbalgar sa Anti-Alias Law, Unlawful Use of Means of Publication, asin inciting to sedition an isinunad ninda sa Department of Justice.
Kairiba si NBI Director Jaime Santiago na minanipula kan mga vloggers nganing magpakalat nin mga salang impormasyon.
Sa nasambitang video an pig-eengganyar suboot kan opisyal an mga overseas Filipino workers na dae magpadara nin mga remittances.
Dae man sinabi pa ni Macorol an mga ngaran kan mga vloggers alagad nakua an lokasyon kan mga ini sa Saudi Arabia, Canada, New Zealand asin United Kingdom.
