Nanindugan an China na espiya an tulong inarestong Pilipino.
Segun kay China Foreign Ministry spokesman Lin Jian, nagluwas na suboot an Chinese authorities nin detalyadong impormasyon sa mga aktibidad kan page-espiya na ginibo suboot kan nasabing mga Pilipino sa China.
Pigdoon man kan Chinese official na kapot na kan judicial asin relevant authorities an kaso laban sa 3 Pilipino na base suboot sa facts o katotohanan asin alinsunod sa ley.
Sa sarong press conference kan Lunes sa Beijing, inakusaran ni Lin an Pilipinas nin pagi-imbento suboot nin mga serye kan pig-aapod na Chinese spy cases sa paagi kan suboot “stigmatization asin politicization” base sa presumption of guilt nin warang malinaw na ebidensiya.
Sarong bagay na pigsasabing makusog nindang pigkontra asin nagsunad na suboot sinda nin protesta laban sa PH nin pirang beses.
Pigsyerto man kan Chinese official na striktong lilitison an kaso kan 3 Pilipino alinsunod sa ley asin pro-protektaran an saindang legal na karapatan asin interest kasunod kan pangapodan kan gobyerno kan Pilipinas sa China na protektaran an saindang karapatan asin tawan nin due process.
Sa lado man kan Pilipinas, naenot nang pinahimutikan kan National Security Council (NSC) an akusasyon kan China laban sa 3 inarestong Pilipino.
Segun kay NSC spokesman Assistant Director-General Jonathan Malaya na mga ordinaryong namamanwaang Pilipino na warang military training an inarestong mga Pilipino.
