Kinigkig ni Filipino tennis player Alex Eala an kinaban kan tennis makalihis daugon an world no. 2 na si Iga Swiatek sa quarterfinals kan Miami Open sa score na 6-2 asin 7-5.
Sa edad na 19, ipinahiling ni Eala an saiyang tibay laban sa sarong five-time Grand Slam champion.
Bago an laban kay Swiatek, dinaog na man niya sinda Jelena Ostapenko asin Madison Keys na parehong mga Grand Slam titlists.
Huli sa trayumpong ini, umusad si Eala sa semifinals kun saen makakahampang niya an manggagana sa pagultangan ninda Emma Raducanu asin Jessica Pegula.
An saiyang pagbale sa torneo an nagkawsa nin pag-angat sa saiyang world ranking hale 140 pasiring sa 75.
