LEGAZPI CITY—Nagpatanid an Legazpi Public Safety Office sa mga tricycle drivers na dae pag-abusohon asin dae pagsamantalahon an pagsingil nin pamasahe sa mga mabisita sa ciudad sa papaabuton na Palarong Bicol ngunyan na bulan nin Marso.
Segun ki PSO Legazpi Head Octavio Rivero, sa intrevista kan Bombo Radyo Legazpi, na dae pagsingilon an mga bisita na lagpas sa taripa na itinao sainda.
Pigtaram kaini na en kaso may magreklamo na mga pasahero sa saindang opisina, papanimbagon ninda an mga drayber kun saen i-impound an saindang traysikel asin pwedesir na irekomenda an kanselasyon kan saindang driver’s license magin an prangkisa ngani na dae na sainda makapasada giraray.
Mientrastanto, nangapudan man ini sa namamanwaan na kun mabiktima sinda kan mga abusadong tricycle drivers na kuwaan nin ladawan an plate number asin i-report sa saindang opisina.
