Ikinasa kan siyam na oil companies an saindang fuel discounts para sa mga driver ng public utility vehicles (PUVs), non-PUVs, asin transport network vehicle services (TNVS) bilang simbag sa padagos na paglangkaw asin pagbaba kan presyo kan krudo sa pankinabang merkado, susog sa Department of Energy (DOE).
An mga diskwento an mapuon sa Martes, Hulyo 1, 2025, kun saen magkakaigwa pa nin panibagong pagmiting an DOE sa bulan kan Oktubre para sa mga kadugangang diskwento na ipapaotob sa ika-apat na quarter kan taon.
Segun ki Sharon Garin, DOE officer-in-charge, padagos an saindang koordinasyon sa mga kumpanya nin krudo nganing mapahiwas pa an numero kan mga gasolinahan na magigin parte kan programa.
Kaiba man sa ipapaotob kan ahensya an dedicated PUV lanes na awtomatikong magkakaigwa nin diskwento kada mabayad an mga drayber.
