LEGAZPI CITY- Ipig-oorgulyo kan Department of Social Welfare and Development Bicol an honra na dara kan Bicolana athlete na si Ana Bhianca Gebilaguin Espenilla.
Ini makalihis na makapag-uli an atleta nin bulawan na medalya sa Javelin Throw event sa 13th Asean School Games sa Dabang, Vietnam.
Napag-araman na si Espinilla an aki kan sarong miyembro kan Pantawid Pamilyang Pilipino Program.
Segun ki Department of Social Welfare and Development Bicol Director Normal Laurio sa intrevista kan Bombo Radyo Legazpi na saro ini sa mga makakadugang sa success stories kan mga 4Ps beneficiaries sa rehiyon.
Pag-istorya kan opisyal na matinding kadifisilan an pinag-agihan kan pamilya ni Espinilla asin inilaban kaini an pagpasiring sa Vietnam ngani na makapag atendir sa kompetisyon.
Mientras tanto, sinabi ni Laurio na komon na nagtatao nin pagbisto an ahensya sa mga siring na pagkakataon ngani na matawan nin importansya an honra na itinao kaini bilang sarong 4Ps beneficiary.
