Irido an nasa 41 katawo makalihis an ginibong airstrike kan Russia sa Kharkiv region sa Ukraine.
Kaibanan sa mga nairido an limang mga kaakian na marikas man na naidalagan sa ospital.
Nadistroso man an dakol na mga establishimento siring kan mga merkado, sports complex asin nagkapirang mga kaharungan.
Kinondenar man ni President Volodymyr Zelensky an insidente kun sain inapod ining sarong klase nin terorismo na ginibo kan Russia huli ta nadamay an mga sibilyan.
Nagpapadagos man an pigigibong pag-rescue kan mga otoridad huli ta pinagtutubudan na igwang nagkapirang natabunan kan mga nagrasay na establishimento.
