Umatras na sa saindang mga naenot na alegasyon ang apat na lalaking miyembro kan nagpabistong dating bodyguard ni dating Ako Bicol Party-list Representative Zaldy Co.
Sa panibagong sinumpaang salaysay kan nagpabistong mga security ni Co, sinabi ninda bako suboot totoo an saindang mga naenot na salaysay na nag-uugnay ki Presidente Ferdinand Marcos Jr., dating House Speaker at Leyte 1st District Representative Martin Romualdez, Zaldy Co, asin iba pang personalidad sa suboot pagbarewas nin maletang kwarta.
Segun sainda, nagpirma sinda kaito sa joint affidavit huli sa promesang pinansyal na tabang asin seguridad para sa saindang mga pamilya.
Alagad ngunyan an mawot na sana ninda mamuhay nin tahimik huli suboot sa mga huma sa saindang buhay asin sa mga patong-patong na pigkakahampang nindang kaso.
Tulo sa apat na lalaki ang nagsabing ang saindang naenot na affidavit an naisumiter sa Office of the Ombudsman na pigggamit ngunyan sa imbestigasyon kay Romualdez asin iba pa.
Ipigdoon man ninda na kaitong naghampang sinda sa Ombudsman, pinirit suboot magpirma sa affidavit na gibo na man asin pinagbantaang kakasuhan kun dae masunod.
Siring man, sinabi kan ”maleta boys” na kusang-loob nindang ginibo asin pinirmahan an saindang bagong mga affidavit ngunyan.
Duwang bulan man suboot nindang pinag-isipan na bawion an saindang enot na nagin salaysay hanggang sa napagdesisyunan nindang maghampang ngunyan.
Afuera digdi nag-iisip man suboot an saindang iba pang mga kaiba na pumanig sainda.
Magigiromdomang kan Pebrero 2026, 18 na mga kalalakihan na nagpabistong dating security personnel ni Zaldy Co ang nagsunad nin mga affidavit na nagsasabing naghatod suboot sinda nin mga maletang kwarta ki Presidente Marcos, Romualdez, Co, asin iba pang personalidad.
Padagos pang pighahagad kan Bombo Radyo ang reaksyon kan Office of the Ombudsman asin kan abogado kan mga dating bodyguard na si Atty. Levito Baligod katakod sa mga bagong alegasyon asin pagbawi kan saindang mga naenot na affidavit.
