LEGAZPI CITY- Padagos an paglilibot kan Mines and Geosciences Bureau Bicol ngani na mabisita an mga illegal mining industry sa rehiyon.
Obheto kaini na ma-legalize an operashon kan mga minahan sa Bicol sa paagi kan pagcomply kan mga ini sa pighahagad na rekisitos.
Kinakaipuhan suboot na maipasabot sa mga ini an responsible mining ngani na maiprodusir an pangangaipo sa presente na dae man nalalaag sa alanganin an futuro.
Segun ki Mines and Geosciences Bureau Bicol Director Engr. Guillermo Molina Jr. na sa Aroroy, Masbate nasa 39 Small Scale Miners na an natawan nin ‘to fully operate.’
Pagbuyagyag kan opisyal na an nasabing mga minero an nagsairarom sa duwang aldaw na forum kun sain naipasabot sa mga ini an saindang responsibilidad.
Makalhis man namakapag comply sa mga requirements, tulos sindang natawan nin lisensya ngani na mag-operate.
Napag-araman na basado sa datos, an Masbate gold project an nagko-kontribuer nin nasa P2 billion na buwis sa nakalihis na mga taon.
