Uminabot sa 375 Pilipino na nagin biktima kan human trafficking an naibalik sa nacion puon Enero 1 sagkod Hunyo 30, 2025, susog sa Inter-Agency Council Against Trafficking (IACAT).
Segun ki Inter-Agency Council Against Trafficking (IACAT) Executive Director Hannah Lizette Manalili kan Department of Justice (DOJ), kadaklan sa mga na-repatriate an nabiktima kan forced labor sa mga scam hubs sa Myanmar, Cambodia, Lebanon, asin Malaysia.
Tinawan-duon niyang padagos na naghahalangkaw taon-taon an numero kan mga Pilipinong biktima nin trafficking.
Kan 2024, nag-abot sa 387 an na-repatriate — mas halangkaw kaysa sa 335 kan 2023.
Kadaklan sa mga biktima an gikan sa mga pamilyang hibaba an ganansya, na mas madaling napapatubod kan mga illegal recruiter, dugang pa ni Manalili.
