LEGAZPI CITY – Nasangatan na nin kaso an tulong persona huli sa illegal fishing sa kadagatang sakop kan Caramoran, Catanduanaes.
Sa intrevista kan Bombo Radyo Legazpi ki PCapt. Denver Romero, hepe kan Caramoran Municipal Police Station, napag-araman na mga residente man sana kan banwaan an nasabing mga persona.
Saro sa tulong naarestar an dati nang nadakop huli man sa illegal fishing.
Tinawang duon ni Romero na mahigot na ipinagbabawal an pagdakop nin sira sa ilegal na paagi huli ta nararaot an mga istaran kan mga ini.
Katakod kaini, dagos-dagos an pigigibong monitoring kan mga otoridad sa kadagatan ngani na masiertong mapuho na an siring na mga ilegal na aktibidad.
Nangapudan man sa publiko na makipagtabangan sa mga otoridad asin tulos na ipagtaong aram en kasong may manutaran na nagigibo nin illegal fishing.
