Tulo katawo an irido makalihis na buminangga an sarong motorbanca sa sarong passenger vessel sa kadagatan harani sa Sta. Cruz Island sa Zamboanga City.
Segun sa Philippine Coast Guard (PCG), nangyari an insidente poco mas o menos alas 6 nin banggi kan Biernes, Abril 10.
Basado sa enot na report, naglalayag an pampasaherong sakayan na MV SUG Adventure kan magkaigwa nin problema sa karburador an motorbanca na lunad kan tolong pasahero.
Huli sa aberya, nawaran nin kontrol an motorbanca, biglang nag-accelerate, asin dagos na nakabangga sa nasabing barko.
Tulos man na isinakay kan MV SUG Adventure an mga iridong pasahero asin dinara sa Port of Zamboanga para sa tulos na pagbulong.
Mientrastanto, nagpapadagos man an imbestigasyon kan PCG sa insidente.
