LEGAZPI CITY-Namaaram na sa edad na 47 si Brad Arnold, saro sa mga nagtatag asin pangenot na bokalista kan American rock band na 3 Doors Down, siyam na bulan makalihis na isapubliko na siya igwang cancer sa bato.
Kan Mayo 2025, ipigheras ni Arnold sa social media na siya na-diagnose kan advanced-stage clear cell renal carcinoma na nagkalat sa saiyang baga.
Huli sa saiyang kondisyon, kinansela kan 3 Doors Down an saiyang planong summer tour kan 2025.
An 3 Doors Down, na nabilog kan 1996 sa Escatawpa, Mississippi, suminikat kan taong 2000 sa paagi kan kantang “Kryptonite,” na isinurat ni Arnold asin uminabot sa ika-3 puwesto sa Billboard Hot 100.
Kaiba sa saindang mga hit songs an “When I’m Gone” asin “Here Without You,” na parehong laog sa top five kan nasabing chart.
