LEGAZPI CITY- Nagpapadagos an aktibidad kan bulkang Mayon, na ngunyan an nagtetenir sa alert level 3.
Basado sa datos kan Philippine Institute of Volcanology and Seismology na nakapagrehistro nin nasa 254 volcanic earthquakes sa bilog na magdamlag, kaibanan na an 36 volcanic tremors na nagdurar nin saro hasta 15 minutos.
Afuera digdi nairehistro man an nasa 287 rockfall events sa bulkan.
Na-monitor man an duwang pyroclastic density currents o uson.
Nasa 2,428 man na tonelada nin sulfur dioxide flux an nairehistro kasuudma, Abril 10.
