LEGAZPI CITY – Nagsampa na sa 1,729 an kabilugang nakumpirmar na nagpositibo sa COVID-19 sa Bicol.
Ini makalihis an dugang na 21 kaso na nairehistro kaya nasa 437 naman an aktibong kaso.
Susog sa ipinaluwas na pahayag kan Department of Health (DOH) Bicol, kaibanan sa mga lugar na nakapagrehistro kan panibagong kaso an Albay na may apat sa ciudad kan Legazpi asin saro sa banwaan kan Tiwi.
Sa Camarines Sur, may walong bagong kaso man na nadugang.
Duwa man sa Pandan, Catanduanes; duwa sa ciudad kan Masbate; tigsararo sa ciudad kan Sorsogon, banwaan kan Casiguran asin Gubat.
Sa lado kan recoveries, nagsakat na sa 1, 229 makalihis na 14 an madugang mantang nagtetenir sa 63 an numero kan mga nagadan sa COVID-19.
Susog an nasabing resulta sa 342 na test results na naresibe hali sa testing sa Bicol Medical Center asin Bicol Regional Diagnostic and Reference Laboratory.
