Gadan an sarong 2 anyos na aki makalihis ini malamos sa sarong drum sa barangay Manamrag, San Andres Catanduanes.
Sa intrevista kan Bombo Radyo Legazpi kay Plt. Gary Amaranto an Deputy Chief of Police kan San Andres Municipal Police Station, gadan nang nadukayan an aki makalihis ining aksidenteng mahulog sa sarong drum na ginibong balon.
Napabayaan suboot an aki asin dae narisa na naglalakaw pasiring sa drum an aki.
Napag-araman man na nin huli sa maluya an supply kan tubig sa lugar kaya nagigibo nin improvised na balon o imbakan nin tubig an pamilya.
Tulos man na nahanap an aki sa balon alagad dae na ining buhay na nadukayan nin huli na man sa enot an payo kan mahulog ini sa balon.
Nagresponde man an mga otoridad asin idinalagan sa hospital alaga idiniklara na ining dead on arrival.
Mientras tanto liwat man na nagpagirumdom an mga otoridad sa mga magurang na maging alerto asin bantayan nin marhay an mga aki para maiwasan an kaparehong sitwasyon.
