LEGAZPI CITY-Nakumpiskar an nasa 17 na improvised cannons o bisto sa apod na “Boga” kan Albay Provincial Police Office sa nagkapirang mga lugar sa probinsya.
Segun kay Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi, na poon kan pinahigot ninda an operasyon, nakumpiskar an nasa 17 na improvised na boga na piggagamit kan mga jovenes.
Dagdag pa kan opisyal na kombinasyon ini kan mga report sa sainda kan mga concern citizens asin mganakumpiskar kan saindang patrolya.
Pigdo-document ninda ini ngani mai-turn over para sa destruction asin magkakanigong disposisyon.
Parareho suboot an saindang nakumpiskar na mga “Boga” na nagkakawsa nin injury sa mga kajovenesan.
Padagos man an operasyon asin pagbabantay kan mga otoridad sa mga naggagamit nin boga asin ilegal firecrackers sagkod sa pagtatapos kan Bagong Taon.
Nagkokondusir man sinda nin inspeksyon sa mga nagtitinda nin iligal na paputok asin sa mga may permit, pati na sa mga may discharge firearms mantang paparani an selebrasyon Bagong Taon.
