Padagos an paghahanap kan mga awtoridad sa Indonesia ngonian na semana sa walong nawawarang obrero makalihis an pagguho kan gapo sa sarong minahan sa Cirebon, West Java.
Uminabot na sa 17 an kumpirmadong nagadan mantang anom an irido, susog sa Basarnas search and rescue agency.
Segun sa mga opisyal, delikado an lugar kan insidente asin dae suboot nagsusunod sa mga pamantayan sa kaligtasan kan mga obrero an kumpanya.
Ipinahayag kan Gobernador kan West Java na si Dedi Mulyadi na kaipuhang higpitan an regulasyon sa mga minahan.
Pigpunan na man kan Ministry of Energy and Mineral Resources an imbestigasyon mapadapit sa pinagpunan kan kawsa kan trahedya.
Segun sa Geological Agency, malumoy an daga sa lugar asin may matarik na bangin, na delikado suboot kapag nag-uuran.
Nagpatanid man an mga eksperto na pwedesir mautro an pagguho, kun kaya inabisuhang mag-ingat an mga nagrerespondeng personel, urog na kada tag-uran.
